Bahasa

Share This

Salam'alaikom Tengku ngon cut nyak.

Beurangho tajak bek taboeh bahasa.

Bahasa geutanyoe saboh amanat.

Sinan keuh ummat djituri bangsa

Meunyoe bahasa hana ta pakoe.

Pane hai adoe tanyoe mulia.

Hana djituri le ureueng nanggroe.

Pane djipakoe le bangsa donya

Beuthat ka tadjak u luwa nanggroë.

Sagai bek tuwo keu bahasa Poma.

Peureunoe bagah keu aneuk droe.

Bek sampoe laloe ngon bahasa luwa

Ta eu di cina ka treb meuranto.

Meu aneuk cucoe bansaboh donya.

Meunyoe di marit deungon kawom droe.

Han sagai tuwo bahasa chèng-chong-wa

Di Tengku Aceh laen lom bagoe

Baro meuranto 'et kuta Langsa

Keu bahasa Aceh hana le pakoe

Ladju ka tuwo keu bahasa Poma

Peureunoe aneuk bahasa meulayu

Ladom dijampu ngon bahasa jawa.

'Oh woe u gampong meusangak-sangak.

Leh pane sinjak moderen raya

Watee geumarit bahasa meulayu

Peuleumah bak Du na rasa bangga

Keu bahasa Aceh cit hana muphôm.

Ka treb meuthon-thon di kuta Langsa

Bak watee ta eu gli dalam hate

Sang gob hana le yang jeut muebahasa.

Sang gob yan mantong carong peulaku.

Habeh ngon-ngon bu ka bahasa jawa

Wahe e cut kak loen peugah mantong.

jinoe ta peukong bahasa ibunda.

Peureunoe aneuk nyan bahasa Aceh.

Sinan that leubèh kaya budaya

Basa Aceh treb that ka meugah

Abad keu namblaih ka jithee le donya.

jeut ta kalon dalam sejarah.

Got meukeubah lam museum Beulanda

Et noe keuh dile wahe e rakan

Bajeut bahasan keu hai bahasa

Beuthat di uloen han jeut keumarang.

Lôn cuba rakan rangkaian kata2

Aleh na beutoi aleh pih salah

Narit loen peugah asai meukana

Meu'ah rakan droe keu ulon tuan

Aleh pane jan ta samboeng teuma