Assalamualaikom
rakan lam efbi
katroeh keulai
akhy lueng bata
lon cuba suson
haba lon rawi
meubek neu caci
kadang na cupa
Meukrue
seumangat buraq meunari
Maen seudati
adat budaya
jameun nyoe
meukarat ta mita isteri
hek that tacari
nyang mantong dara
bak masa jinoe
rame sinyak ti
Goh na suami
tapi ka janda
Buet agam pungoe
akai keubiri
Barang meugunci
jibuka paksa
yang ladom nyak
dara chit rela dibagi
Tumpoe boh ubi
keu cut bang peutaba
meubaroe teulah
oh tumpoe basi
kagadoh suci
reuloh mahkota
wate nyan
ranggoeng peugah bak ummi
yu peugah bak
abi linto yu mita
hana pu jeulame
wahe e ummi
nyang peunteng
lhee hari lintoe beukana
aci ta pike cuba
renungi
Yang ka terjadi
ek han meudosa
yoh masa ngon
cowok barang aseuli
oh teuka suami
tan le sapeu na
Meu'ah keu ulon
wahe adek ti
kon keuh lon
caci gata lon ceula
tapi that sayang
oh lon peurati
gata nyang tari
peurangui hina
bacuet peuneusan
bak ujong rawi
keu gata hay
putri geunaseh poma
beuget jaga droe
hay adoe puteh di
beu ta dalami
ilme agama
Troh pucok u,
sikula tinggi
hana meuarti
meutan agama
ilme donya ta
peulajari
Surohan rabbi
bek bak lumboi dua
meunan keun
bacut nasihat bak akhy
kon pih sok suci
jak cari muka
Teutapi
geutanyoe seusama insani
Saling
mengingati bak buet agama
Wasalamualaikom
bak ujong rawi
peumeu'ah keu
akhy bak salah kata
maklum hay kaom
rakan lam efbi
golom that ahli
haba lon rika
Entah siapa yang akan menanggung dosa. Yang jelas, pahatan ayat-ayat Al-Qur’an di sebuah situs sejarah di Gampong Pango Deah, Banda A...
Kami tahu judul di atas akan mengingatkan Pembaca kepada seorang ahli yang telah mempopulerkan istilah “Batu Aceh” lewat ka...
Tidak ada yang tahu apa yang sedang berlangsung atau apa yang sedang dipikirkan saat Raja Offa di Inggris mencetak uang negaranya den...
TIMBUNAN batu-batu nisan itu tergeletak begitu saja di pinggir jalan setapak yang sering dilalui orang-orang pergi memancing ikan di pa...