Assalamu'alaikum,
wareh syedara
Tuha dan muda,
inong ngon agam
Tapujoe Allah,
tiep-tiep kutika
Geutanyoe hamba,
nyan kewajiban
Seulaweut
Saleum, bek sagai lupa
Akan baginda,
Nabi nyang khatam
Ateuh sahabat,
dan keluarga
Seupanyang masa,
neubri ya Tuhan
Pabrek seumen,
sideh di Lhok Nga
Aceh Utara, PIM
hai rakan
Ibnu Majah, bak
saboh masa
Geurawi
haba,Nabi meukalam
5 boeh maksiet,
geubalah sigra
Hana Geutunda,
meuka ta lakukan
Peureutama
phoen, soe meuzina
Seucara nyata,
teurang-teurangan
Allah geubalah,
keu-nyan Hamba
Tha'un jirasa,
subagoe balasan
Peunyaket laen,
geutamah lanja
Nyang hantom
teuka, yoh sigohlom nyan
Nyang kedua,
peukureung neuraca
Atau syedara,
geuweuk sukatan
Seubagoe bala,
khueng jiteuka
Juga dirasa,
raseuki keseumpitan
Geutamah lom,
deungon bala
Lalem penguasa,
tan keadilan
Teuma nyang
keu-3, tasamboeng haba
Nyang meuharta,
zakeut han tunaikan
Allah peutheun
hujeun, wap nyan dausa
Mangat jirasa,
balasan Tuhan
Meukon na
binatang, ateuh rhueng donya
Hujeun han
teuka, berkelanjutan
Nyang ingkar janji,
keu-4 hai syahra
Allah bri kuasa,
keu-musoh awak nyan
Akan Jireubot,
seubagian harta
Lee miskin-papa,
nibak masa nyan
Nyang teurakher,
bila Penguasa
Hukom ka jiba,
kon lagee aturan
Kiban meuheut
droe, meunan jilaksana
Jai meubeda,
deungon Al Qur an
Bicah prang
saudara, Allah bri bala
Aman sentausa,
chiet ka teunte tan
Ureung lam
nanggroe, lam huroe hara
Lee manusia,
nyang jeut keu korban
Meung ka
tapubuet, man 5 perkara
Juga ka nyata,
bala-bala nyan
Hana lee
kebaikan, akan tarasa
Meunan
sayyidina, watee meukalam
Jinoe ci kaji,
wahee syedara
Banmandum bala,
peuka ta-rasakan???
Meusoe
teulanjoe, ka meukeurija
Taubat sigra,
lakee amponan
Ca-e lon pada,
lon toep haba
Tacok makna,
nyang kebaikan
Peumeu'ah ulon,
Pat na cupa,
atawa kesilapan
Gua Tujuh adalah gua yang dianggap sebagai peninggalan sejarah oleh masyarakat daerah Laweung. Ada tujuh pintu utama memasuki Gua Tujua i...
Pertama, Ketika masih bujangan beberapa tahun yang lalu, saya pernah membaca fatwa seorang ulama disebuah majalah islam, namanya Syaikh A...
Mengawali sejarah Kabupaten Bireuen, dulunya dikenal wilayah Jeumpa. Baru setelah pemekarannya dengan kabupaten induk yakni Aceh Utara, ...
Dibenaknya tidak pernah terpikir sedikitpun untuk pindah agama. Tapi rencana Tuhan lain. Di usianya yang tiga tahun, pria kelahiran Sigli...
Sejarah Singkat Abu Keumala-Abu Keumala" itulah gelar untuk seorang Ulama populer Aceh yang bernama lengkap Teungku Haji Syihabudd...
Muhamad Husein Hosea Gencar pendeta asal Aceh kelahiran Sigli, Aceh Pidie, 14 Agustus 1951. Kini aktor utama misionaris untuk Aceh. Bahka...