3 Perkara Yang Seutot Manyet, 2 Perkahra Jigisa, Saboh Tinggai

Share This

Assalamu'alaikum, wareh syedara

Tuha ngon muda, inong ngon agam

Tapujoe Allah, sidroe nyang Esa

Khatam ambiya, seulaweut salam

Didalam nanggroe, lapangan kerja

Diet that geubuka, lee panganggoran

Nibak uroe nyoe, didalam rika

Lon pasoe haba, baci renungkan

Meungka matee, sidroe-droe hamba

Na 3 peukahra, ikot manyet nyan

Peureutama phon, keuluarga

Kedua harta, seurta amalan

Nyang 2 macam, akan jigisa

Hana trep masa, wahee e taulan

'oh lheuh geukubu, laju jibungka

Teubuju gata, sidroe disinan

Adak peureumoeh, awai jikata

Lon that kucinta, keupada abang

Atawa aneuk, agam ngon dara

Lon Ayahanda, keu droeneuh sayang

Meunyoe pih manyet, ureung nyang kaya

Harta meugunca, meuh deungon intan

Tan geuba rumoh, adak istana

Moto inova, jitinggai gobnyan

Cuma saboh, manyet nyang geuba

Siumu masa, beuserta si "man"

Maka rakan, ingat sineuna

nyang na taba, cuma AMALAN

Meungna tapubut, didalam donya

Beukai nyang taba, cuma atra nyan

Kadang na tajok, siribee rupia

Keupada Fuqaha, ka lam catatan

Beulee seudekah, 'oh masa kaya

Watee na teuga, amai kebajikan

Seubab cuma nyan, akan seureuta

Ngon yang taba, nibak saboh jan

'Oh Lheuh Bireuen, meurumpok Peudada

Meureudu - Pangwa, ukeu lom teuman

'Oh noe keuh rika, ulon peumada

Pat salah kata, mohon keuma'afan

Meumacam Bagoe Ureung Piep Rukok

Aneuk muda piep sam su,

Nyang hayeu Piep Ganja,

Aneuk sikula piep Rukok Nuu,

Lakoe Guru piep rukok LA,

Ureung Kantoe piep Malboro,

Nyang kerja Beko piep nomor sa (panamas),

Gudang Garam Rukok dukon,

Rukok Oen Geupiep Lee Ureung tuha,

Rukok GP Dipiep lee Aneuk Medan,

Sam Su Itam Dipiep lee Ureng kaya,

Aneuk Kuliah Dipiep Magnum,

Teungku Imum Piep Surya,

Nyang Ek Jaloe Piep Markopolo,

Nyang Kerja Sen So Piep Sampoerna,

Nyang Ba Becak Piep Commando,

Nyang Ha ho Mirah aneuk mata,

Kisaran Itam Kisaran Puteh,

Nyang Peudeh-peudeh preh dang kaya...

Ganja dan Sabu

Wateu ubeut2 piep rukok oen,

ban ka muphom pip gunung gula,

Ban karayek bacut jak bloe panamah,

Sang han keumah ci cuba ganja,

Aci tajak tes tapip abee dapu,

Nak meucuehu lagee awak kota,

Wo urumoh sipak kanot bu,

Jak bak abu lakee belanja,

Beudoh di abu jak pleeh keulandet,

dak pih saket jakcok rupia,

Bak pike keu aneuk lam pendidikan,

nak saban ngon rakan bakjak sikula,

geujok lee abu deulapan reutoh,

peng publo lampoh keu ureung kaya,

Geujok keu aneuk ngon jiblo buku,

pahai sabu keu pestapora………