Alhamdulillah , pujoe keu
tuhan
Seulaweut saleum , lheuhnyan keu muhammad
Ahli ngon wareh, sahabat taulan
Ikot – ikotan, hingga kiamat
Ammabakdu , sipatah kalam
Keu sambotan, bak lon nyang surat
Teurima kaseh, akan peungarang
Nadham nyoe memang, keubit beureukat
Riwayat siti , aneuk janjongan
Yoeh msa gobnyan nyan, woe u bak Khadarat
Wafeut fathimah , asal karangan
Teubit disinan , haba nasehat
Haba peu ingat , keupada insan
Watee neuriwang , nanggroe akhirat
Teubiet ie mata, menyoe na tapham
Hate nyan ceukang, ek leumoh siat
Meunyoe bit tatem , ta ulang-ulang
Bak kadang –kadang , sampoe leumoh that
Kalheuh lon baca, jeut lon kheun meunan
Napadum malam, masa lon surat
Sampoe an jinoe, mantoeng lon simpan
Jan –jan nyang lapang, loen baca siat
Keu ureueng binoe, le that tauladan
Keu ureueng agam, le chit hikmat
Soe goh lomna, mita beurijang
Nyang saket badan, bek pre meu ubat
Neukeubah teuboeh , di pajoeh le glang
Neukeubah amai, seunang jeut teumpat
Neukeubah lampoeh, goeb pajoeh pisang
Neukeubah nazam , jeut keu kifarat
Neukeubah toko, goeb peubloe barang
Neukeubah karangan, goeb kheun istakfar
Keu gata jile, sabe balasan
Meuteumee seunang, ta eh lam jeurat
Oh noe keuh mantoeng, kata sambutan
Seureuta himbauan, keu masyarakat
Mengawali sejarah Kabupaten Bireuen, dulunya dikenal wilayah Jeumpa. Baru setelah pemekarannya dengan kabupaten induk yakni Aceh Utara, ...
Berbagai legenda tentang Jeumpa dan Bireuen sering didengar dan dituturkan. Tapi, yang satu ini di luar itu semua. Ia adalah penanda...