Peutimang gaya
bak poh beurakah
Sabee beu
gobnyan peugah calitra
Watee di Malaya
hantom na sosah
Watee uroe jeh
lagee biasa
Bajee ulua
geusok kupiah
Jinoe hai rakan
Fashion leumpahna
'Oek ka meuwarna
siluweu beukah
Bahasa Aceh
jareung meuhaba
Cuma ngon Mak Wa
nyang na geubalah
Meunyoe gob
tanyong Kiban peuhaba??
Ape kau Katee
geuseu ot bagah
Haba lam ca-e
bukon peusuna
Saweub lam nyata
lon kalon leumah
Mungken disinoe
lam group tercinta
Atra nyan hana
bek gata sosah
Meunyoe
geutanyoe tan galak bahsa
Cukop cilaka
peuragui sudah
Galak sabee
tangui bahsa Malaya
Saweub teubawa
di Nanggroe keudah
Sabee
keudroe-droe gura leumpahna
Tan meubahasa
Endatu keubah
Watee meugisa ka
u gampong ma
Pakon meubahsa
teuceu ek meuleumpah
Meungkon
geutanyoe nyang peu mulia
Bahsa Aceh Raya
rakan meutuah
Han akan dijak
awak laen bangsa
Dijak ngui bahsa
nyang gata keubah
Meupat keuh
mantong tanyoe beurada
Bek tuwoe bahsa
poma deungon Ayah
Digob kop hebat
pangkat ngon kaya
Bahsa pusaka
hantom jirubah
Ulon peucontoe
neukalon nyata
Di Awak cina
rata daerah
sabee-sabee droe
'oh jimeu bahsa
Teutap meukata
bahsa droe jipeugah
Saweub awak nyan
singoh aneuknda
Nak bek jilupa
bahsa daerah
Tanyoe meubalek
ladoem syedara
Bak meungui
bahsa ka salah kaprah
Ini bukan film, tapi nyata terjadi di Kota Petro Dolar Lhokseumawe. Kelompok wanita usia 40an tahun aktif mengincar pemuda berpenampilan ...
Sejarah Singkat Abu Keumala-Abu Keumala" itulah gelar untuk seorang Ulama populer Aceh yang bernama lengkap Teungku Haji Syihabudd...
Mengawali sejarah Kabupaten Bireuen, dulunya dikenal wilayah Jeumpa. Baru setelah pemekarannya dengan kabupaten induk yakni Aceh Utara, ...