Lon pujoe Tuhan,
'Azza Wajalla
Maha Diraja,
sabee tiep uroe
Seulaweut
Saleum, ateuh sayyidina
Rasul Musthafa,
Pang Ulee geutanyoe
Sira lon
duek-duek, lon cuba rika
Keu wareh
lingka, rakan sinaroe
Mudah-mudahan, geutanyoe
dumna
Jeut tacok
makna, di dalam bumoe
Ibnu Hibban,
nyang rawi haba
Al-Hakim juga,
sama hareutoe
Kalam Allah,
ngon Nabi Musa
Hadist baginda,
neucuba deungoe
Musa meukalam,
bak saboh masa
Meunoe neukata,
lakee nibak poe
Wahee Ya Allah,
nyang Maha Kuasa
Kalimat Mulia,
neubri keu kamoe
Untuk meuzikir,
seureuta meudo'a
Beuhebat
lagoina, langsong troek sampoe
Meunan pinta, di
Nabi Musa
Bak Allah
Ta'ala, bak saboh uroe
Neuseu'ot Allah,
keupada Musa
"La ilaha
illallah" saja, cuba tahiroe
Teuma Musa, laju
berkata
Nyan ka biasa,
gob kheun lam nanggroe
Wahee Musa,
deungoe lee gata
Andai
langet-donya, beuserta asoe
Peuduek dalam
Ceng, tatimang sigra
Niscaya neuraca,
brat kalimah bunoe
Baci takaji,
wareh syedara
Makna lam haba,
cuba keuh neuproe
Hebat sunggoh,
kalimah mulia
Beukayem tabaca,
oleh geutanyoe
Meubek
ta-anggap, biasa saja
Beu-oe takira,
malam ngon uroe
Lon pada 'Oh
noe, Ca-e lon rika
Mengawali sejarah Kabupaten Bireuen, dulunya dikenal wilayah Jeumpa. Baru setelah pemekarannya dengan kabupaten induk yakni Aceh Utara, ...
Berbagai legenda tentang Jeumpa dan Bireuen sering didengar dan dituturkan. Tapi, yang satu ini di luar itu semua. Ia adalah penanda...