Deungoe lon
kisah khabaran jameun
masa keurajeun
Nabi mulia
masa keurajeun
Nabi Sulaiman
yang mat hukoman
ban sigom donya
nibak si uroe
nabi jak meu'en
kadeungoen angen
sajan seuretuta
ka Nabi neuduek
ateuh kurusi
angen bapoet lee
ban siklep mata
oh ban saree
troeh bak saboeh teumpat
geumusyawarah
geuneuk bo Raja
Nabi neutanyoeng
bak mandum cicem
teh saree katem
lon boh ke raja
seu-oet po
jampok tuanku ampon
nyoempat sigam
lon neuboh keu Raja
seubab si gam
lon rupa ceudah that
lagi ngon hebat
meu bulee mata
mata jih bulat
babah meukuwet
leupah that
sabet si gam keu raja
Nabi Sulaiman
masa nyan teuseuheh neukhem
dum cicem laen
surak meubura
teuma di seuot
burong keu tok-tok
meuhan jeut
jampok bah lon keu Raja
seubab bak lon
nyoe le that piasan
lon peh canang
prang oh malam jula
teuma di seuot
tok tok beuragoe
hana meu soe-soe
lakee keu raja
seudangkan di
lon kupiah beusoe
hana si uroe
lakee keu raja
di cicem pala di
groeb-groeb lambong
di cicem buroeng
surak meubura
beurijuek balee
surak di sampeng
cicem pereuleng
ji sama-sama
malee jih
that-that di apa jampok
teudeuk meusupok
meu blek-blek mata
teuma di damee
uleh keudidi
si rajawali
taboeh keuraja
kleung puteh
ulee jeut keu polisi
si mirapati jeut
keu wedana
cem pala subang
keu geuchik gampong
cicem mirah
rhueng guru sikula
si cicem tulo
jeut keu peunerangan
cicem rajangan
jeut keu panglima
di cicem
bruek-bruek taboh ma bidan
seubab di gob
nyan geu kuwa-kuwa.
SEORANG penulis bernama Kashif Chaudry mengatakan dalam jurnalnya yang dimuat oleh surat kabar The Huffington Post, Kamis (7/1/2016), jik...
Hidup terisolir selama puluhan tahun di tengah Hutan membuat keturunan Raja Ubiet tak tersentuh peradaban modern. Mereka yang dulunya mel...