Bak bintang
malam kalheuh lon sampoe...
Timang cot uroe
ka lon brie haba...
Teuka lah gaseh
meutindeh sahoe..
Teuka lah adoe
peunawa luka....
Sibanja-banja
lon peurap taloe...
Seun-seun si
uroe hate loen puga...
Bak demi cinta
keu gata putroe..
Ateung meuranjoe
hana lon kira...
Bek dile ta
paleng hoe laen ta peutoe...
Nyompat ampon
droe ka geupreh gata...
Meutuwah tatem
sipadan lakoe...
Gata sambinoe oh
saboh masa...
Meunan lon
teutah hate meu-asoe..
Peu-ubat
seungkoe ragoe lam dada...
Peutupat baten
peugadoeh sesoe...
Supaya seuleusoe
hate nyang lara...
Meukrue
seumangat pineung rampagoe...
Ceurana meu-asoe
ranup silingka...
Gaseh meukeumat
keu gata adoe...
Malam ngoen uroe
leumah di mata...
Dalam blang
luwah ka ureung meugoe..
Lam uteun
nanggroe teudoeng istana..
Meunan lon
ringkah geunaseh putroe...
Seumoga
meusampoe geutanyoe dua...