Deungoen
Bismillah, lon mula rika
Kaifa Haluka,
lon sapa taulan
Sigahla pujoe,
keu Allah Ta'ala
Khatamul ambiya,
Seulaweut-Salam
Nibak si-uroe,
oleh baginda
Neumeu sabda,
Wahee E rakan
5 boeh macam,
haroh tajaga
Mandum perkara,
beuta renungkan
Peureutama
phoen, jaga masa muda
Sigohlom tuha,
La’eh hanaban
Mandum amalan,
Ek ta-keurija
Hana keundala,
Lee kesempatan
Masa luang,
meu-nyang keudua
Haroh tajaga,
goh sibok datang
Contoe ubit,
kunjong syedara
Meutatap muka,
adoe ngoen abang
Teuma nyang
keu-3, sihat tajaga
Sigohlom masa,
saket meuradang
‘Oh ka saket,
han ek keurija
Reubah lam tika,
hana meu’oh ban
Nyang keu-4,
Nabi yue jaga
Masa kaya,
beulee pemberian
Oh goh gasien,
beuna waspada
Meuka papa,
hareuta pihtan
Teuma keu-5,
Nabi yue Jaga
Hudep gata,
wareh dan taulan
Kadang matee,
laju sigra
Hantom na,
tanggoh hai rakan
5 boeh nyan,
haroh neujaga
Bak syedara,
sia-siakan
Meuta ingat,
nyan sabda
Akan bahgia,
geubri lee Tuhan
Ca-e lon peusep,
‘oh noe lon rika
Beu-jeut
“Mustika”, keumandum rakan
Lon Lakee
meu’ah, keupada syedara
Kadang na lupa,
jai keusilapan