Salam'alaikom
warah matullah
saleum sipatah
sare lon bagi
sabe tip wate ta
pujo Allah
seulaweut indah
keu sidro nabi
tanda kiamat
bacut lon kisah
kadang kureung
pah neuci peurati
neu teugor laju
adun meutuah
meunyo na salah
bak lon meu rawi
na saboh hadis
nabi neu peugah
akan that meugah
rumoh ilahi
meu bangga2 ngon
rumoh Allah
macam geu olah
hajat beu tari
peugot mesjid
raya ngon indah
puncak geu olah
warna peulangi
kadang meu
tingkat geu ato kubah
supaya meugah
sampo u hindi
tapi di asoe
hanpu tapeugah
kadang saboh saf
hana hai akhi
bak keude kupi
tapoh beurakah
salat jama'ah
tanso padoli
ohno keuh dile
ulon top kisah
lon lake meuah
na teupeh hati
annas bin malek
yg rawi surah
meunan peneugah
sabda di nabi