Assalamu'alaikum,
wareh ngon rakan
Tapujoe Tuhan,
Nyang Maha Esa
Keu Rasulallah,
Seulaweut Salam
Sahbat
seukalian, dan keuluarga
Akibat eumbong,
ceulaka syaithan
Keupada Adam,
jisujud hana
Hana teurasa,
wahee e taulan
Thon baroe
Islam, jinoe ka teuka
Watee meugantoe,
Uroe ngon malam
Sosah ngon
seunang, meu ubah rasa
Ladoem nyang
pubuet, Lee kebaikan
Disisi Tuhan,
sunggoh mulia
Teuma nyang
ladoem, meusoe nyang curang
Keupada insan,
serta Rabbana
Bak uroe dudoe,
rugoe that gobnyan
Lam
peunyeusalan, bak akhe teuma
Geutanyoe hudep,
ka geu teutapkan
Meunyeumbah
Tuhan, nyan yang utama
Bandum profesi,
yang ta jalankan
Disisi Tuhan,
adalah sama
Pikee keu laba,
jinoe hai taulan
Nak ke untungan,
akhirat teuma
Bek tapeu sia,
tiep kesempatan
Ta pergunakan,
keu hai meuguna
Geutanyoe hudep,
lam bumoe Tuhan
Lam peurantauan,
chiet keukai hana
Bak saboh masa,
meung troek "panggilan"
Sigra tariwang,
u bak Rabbana
Ingat hai rakan,
keu "masa deupan"
Peugot
"persiapan", nak tacok laba
Hanpu meu
let-let, lam kehidupan
Cok
keuseunangan, didalam mungka
Banmandum amai,
na lam catatan
Hana kelalaian,
mala-ikata
Berhubong nyoe,
thon baroe islam
Jak hai rakan,
renung bersama
Peu nyang
tapubut, ci kaji ulang
Bri penilaian,
tanyoe bersama
Nyoe diet yang
got, jai keujahatan
Tanyoe ubahkan,
ta gantoe sigra
Beureukat
Ka'bah, Mekkah Mukarram
Beureukat Maqam,
khatam ambiya
Wahee Ya Allah,
nibak nyoe malam
Neubri kekuatan,
keu kamoe hamba
Beu Ek meupubut,
kamoe Ya Tuhan
Akan kebaikan,
masa lam donya
Neu ceugah
kamoe, didalam Qalban
Ateuh
kemungkaran, meubek meusuka
Lon pada ca-e,
'oh noe karangan
Gantoe latihan,
nibak meurika
Pat na salah,
atawa kekurangan
mohon
kemakluman, keu lon syedara