Deungoe Lon
sebut bacut calitra,
Cicem jroh rupa
nyang po Sulaiman.
Nyan cicem
HUD-HUD gesebut nama,
Cit troh that
mata nebri le Tuhan.
Meng ie lam
tanoh jitu 'oh mita,
Peukara laen
negara bandum jituban.
NABI SULAIMAN
menan biasa,
Cicem nyan geuba
ho-ho berjalan.
Nibak siuroe
menoe calitra,
Nabi neubungka
ngon rakyat sajan.
Ateeh hamparan
Tuhan karonya,
Didalam tawa
laju berjalan.
J iba lé angén
me-én lam hawa,
Jampang nebungka
biasa menan.
Meungka nemeung
tron bak duson banda.
Pioh sikada
nibak tempat nyan.
'Oh ban melayang
hamparan Raja,
Jimarit sigra
sidom disinan.
Diraja sidom
jidong bicara,
Lagee geunyata
dalam Quru an
Wahe dum sidom
jak tamong sigra,,
Lam eumpung gata
maséng atoran.
Jeh Nabi Allah
singgah bak data,
Ngon balatantra
ramé mekawan.
Tatamong reujang
bek jan troh bahya,
Jigidong gata
teuntra Sulaiman.
Tanna jitupee
tan ji-eu gata,
Bukon jisahja
pakri tapaham,
Bangsa geutanyoe
ka meunoe rupa,
haloh anggota
pueneujeut Tuhan.
Sidom jimarit
kebit lagoena,
Dengoe suara
ubak Sulaiman .
Nabi teuseuheh
rumeh ie muka
Deungoe suara
sidom lam padang.
Dalam Quru an
Firman Rabbana,
Fatabassana
teuma Lahika.
Teuma geupi'oh
ka tron kutika.
Watee ka 'Asa
keumeung seumbahyang.
Rakyat pih ka
grah lepah that dahga.
Nabi yue tehka
cicem bak reujang
Keumeung tanyong
ie lagi ka 'Asa,
Seu ot le sira
uree lam kawan
Hud-hud ka jipo
han meho jangka
Kedeh lam rimba
lon ngieng melayang.
Nabi tesengeh
beungeh jiteka,
Nekheun neuseksa
'oh troh jiriwang,
Sabab jilari Ion
sie 'oh gisà,
Meng haha jiba
haba benaran