Meukrue
seumangat ee bungoeng ruhoen..
Bungoeng dusoen
mirah wareuna
sabe teu ingat
peu sipreuk ie on
bungoeng lam
gampoeng pageue geupuga
bungoeng di aceh
rame gop sanjoeng
sibak lam
anjoeng meubee uluwa
gaseh ngoen
sayang teuka jipeutroen
malee meusantoen
meusamboet haba
meunan keuh
bungoeng sinoe nanggroe loen
keumang
sikuntoem meusyuhu bak donya
meusoe nyang
kaloen di teuka rihoen
geukeuneuk
coem-coem siharoem jeumpa..
Tapi that sayang
poe bungoeng ruhoen
ka gadoeh
santoen pucoek jih mala
brat ka meubida
bungoeng lam dusoen
kakeunoeng
racoen buet angen baroe sa
teudoeh bak
cabeung teuka nibak on
sayang bungoeng
loen jinoe kamala
baja nyang kana
meuguna meuthoen
tan meuhoe
ujoeng tanoeh pih bungka
pakoen jeut
meunoe naseb sikuntoem
gadoeh teuh
haroem ka pheue wareuna
nyang awai
pungoe di pujoe sanjoeng
sayang that
kawom jinoe di ceula..
Wahe ee abang
hay teungku ampoen
bantue si ruhoen
nyang teungoeh mala
peurata sayang
peunaw'a racoen
meusampoe loem
haroem si bungoeng jumpa...